لوحة الإعلانات

منهج الدراسات والقضايا البيئية الفرقه الثالثه علوم

مشاركة غير مقروءةبواسطة mohamed hussien » الاثنين يونيو 06, 2011 10:41 pm


بصو يا شباب انا حضرت المحاضره بتاعه الدراسات والقضايا البيئية اللى كانت يوم السبت اللى فات على طول 4-6
والدكتور حدد فيها المنهج اللى انا كاتبه ده

هو مش كتير على فكره خالص بس انا حاولت اكتبه مفصل عشان اللى مش حضرها بس

وياريت كل واحد يجيب الكتاب ويخطط ورا اللى انا كاتبه
وربنا يوفقنا كلنا ياااااااااااارب

====
من ص1 ال ص 4
فيه اربع مصطلحات مطلوبين
1- تعريف العلوم البيئيه ودى موجوده فى صفحة رقم واحد والدكتور علم عليها من السطر الرابع لحد كلمة عل حد سواء فى السطر التاسع

2-فى نفس الصفحه برده مطلوب تعريف علم الايكولوجى ودى فى نفس الصفحة برده تحتيها على طول التعريف بتاع ارنست هيجل سطرين تقريبا
ونحط امثله زى علاقات الافتراس والكلام ده هنلاقيه برده فى الصفحه الاولى

3-علم صون البيئه conservation : الدكتور اختصر الكلام اللى مكتوب وعرفها فى سطرين وقال
"يسمح ممارسة بعض الانشطة ولكن تحت ضوابط معينه"

4-حماية البيئة protection :برد الدكتور اختصرها وقال "منع اى انشطة بشريه على المكونات البيئية بغرض حمايتها "

5-وده مصطلح مس موجود فى الكتاب (محميات المحيط الحيوى ) ودى تعريفها كالاتى
اى منطقة يتم اعتمادها كمحمية محيط حيوى يجب ان تتكون من الاتى
أ-المنطقه المركزيه :ولا يتم السماح بممارسه اى انشطة فيها
ب-المنطقة العازله : ويسمح فيها بعض الانشطة مثل الصيد والزراعه
ج-المنطقة الانتقاليه :ويسمح فيها بكافة الانشطة ولكن تحت ضوابط معينه مثل المبانى والطرق
===
ص27
مفهوم التوازن البيئى ناخد البراجراف اللى موجود فى الصفحه دى وكمان "زيادة او نقصان مجموعه او عنصر على حساب مجموعه اخرى او عنصر اخر
يؤدى الى خلل فى الاتزان " ونضرب اى مثال زى عندما تم التخلص من الديدان بواسطة المبيدات الحشريه قلت اعداد ابو قردان لندرة الغذاء
وبالتالى زادة المجموعات المقاومة للمبيدات "
===
ص39

مصطلح التصحر :الدكتور اختصره وقال "تحويل الارض الزراعيه المنتجه الى ارض غير منتجه وندى امثله مثل تجريف الدلتا وبناس مصانع طوب عليها

===

الاحتباس الحرارى :"تقريبا الحته دى الدكتور شرحها وهى مش فى الكتاب " (هى ظاهره طبيعيه تشبه الصوبه الزجاجيه حيث ينبعث من الارض حراره
وترتد مره اخرى الى الارض ويؤدى النشاط البشرى الى جعلها ظاهره ضارب جدا )

*آراء العلماء :-

1-ير فريق منهم ان الاستمرار فى الارتفاع الحرارى سيؤدى الى ذوبان الجليد وبالتالى غرق المناطق المنخفضه .

2- يرى فريق اخر ان راى الفريق الاول مسيس لان الدول الكبرى هى الاكثر سببا فى الاحتباس الحرارى بسب الصناعه الضخمه
والهدف من ذلك هو استنزاف موارد الدول الفقيرة .

ونحن نميل (الدكتور يعنى او لو طلب رايك الشخصى ) الى المزج ين الرايين فنقوم بعمل شيئ من الحمايه
فعلى شواطئ البحر الاحمر توجد حمايه طبيعيه مثل الشعاب المرجانية
وعلى شواطئ البحر الابيض يتم عمل بلوكات من الاسمنت لتتكسر الامواج عليها لحماية الشواطئ .
--
الاثار المتوقعه للتغيرات المناخيه على المستوى العالمى :-
ودى موجوده ص55 وص56 حوالى عشر نقط
الدكتور قال اللى هيكتبلى اربعه هياخد الدرجه كامله

(ده اللى مطلوب فى الاحتباس الحرارى )

========

ص80
البراجراف اللى بعنوان "المدخل الى علم البيئه " او كيفيه دراسة علم البيئه
ناخد البراجراف كامل

====
ما هى الطريقه او المنهج العلمى للدراسات البيئيه ؟
ده سؤال الدكتور ساله واجابته موجوده فى ص94

موجود رسمه كده عباره عن تلات اعمده ناخد احنا الجزء اللى فى النص ونسيب اللى على اليمين والشمال
بيبدا بالمعلومات
وبينتهى باستخدام النموذج
===========

ص100 وص101
فيه مصطلحين موجودين
1- العشيره : وده الدكتور اختصره وقال "عدد الافراد من نوع ما فى وحدة المساحه "

2-المجتمع :برده الدكتور اختصره وقال :عدد العشائر الموجوده فى وحدة المساحه :

وفيه رسمه موجوده فى صفحة 101 بسيطه اوى ومهمه
=========

الفصل السادس ص122 وص 123
بيتكلمو عن كيفية التخلص من مخلفات الصرف الصحى
لو جه سؤال عن التخلص من مخلفات الصرف الصحى
نحط الرسمه اللى فى ص123 ونعلق عليها من لكلام اللى قبلها "يعنى رسمه وكلمتين عليها "

--
بعد كده ص128 طرق تحلية مياه البحر هو فيه طريقتين فى الكتاب
الطريقه الاولى مش علينا والطريقه التانيه ص130 هى اللى علينا
برده نحط الرسمه اللى موجوده ونعلق كلمتين عليها
=======
الفصل السابع ص136
فيه عناوين اللى هى
تقييم الاثر البيئى(والبراجراف اللى عليها )
الهدف من عملية تقييم الاثر البيئى(والبراجراف اللى عليها )
الغرض من تقييم الاثر البيئى (والبراجراف اللى عليها )

وبعد كده ص 137
تصنيف المشروعات بلقوئم البيئيه
القائمه (ا) :قليلة الخطر على البيئة مثل فتح محل
القائمه(ب) منوسطه الخطر مثل ورشة خشب
القائمة(ج)الخطيره جدا مثل صناعه الاسمنت
===

ص157

مصطلح التنوع البيولوجى وده تعريفه اول سطرين فى الصفحه
-
وبعد كده نخش على ص 159 ل ص161
المخاطر والتهديدات التى تواجه التنوع البيولوجى
1- التنميه السياحية (ص159) ونختصر كل الكلام اللى مكتوب ونقول "النمو المتسارع فى المنشئات السياحيه يؤثر سلبا على التنوع البيولوجى "

2-المخلفات الصلبه(ص160) ونخد البراجراف اللى عليها

3-الصيد المخالف والجائر (ص161)وناخد البراجراف اللى عليها
========
ص 171
القوانين والتشريعات الخاصه بحماية البيئة :-
ناخد اول اربع سطور لحد كلمة فى شان المحميات الطبيعيه
--
التشريعات القانونيه :-
ناخد الاربع سطور لحد كلمه بقانون رقم 9 لسنة 2009
======

ص179

التربيه البيئيه واهدافها
ناخد فى البراجراف الاولانى من اول كلمة تهدف الى تزودي افراد الجيل

الى كلمة التى يعيشون فيها
========

ده كده كل اللى الدكتور قاله ووالتعريفات اللى الدكتور مختصرها دى قال لو حد حب يزود مافيش مشكله
بس انا بختصر لاقل حاجه عشان اللى وقته مش مساعده يذاكر

واهم حاجه يا شباب ذكر الامثله فى كل حاجه لو موجوده
---

وياريت اللى حضر المحاضره وفيها حاجه انا ناسيها او غلط يقول عشان نعدلها
وربنا يوفقنا كلنا ياااااااااااارب
صورة العضو الشخصية
عضو مشارك
 
مشاركات: 66
اشترك في: يناير 2010
مكان: الجيزه
الشعبة: جيوكيمياء
الفرقة: الثالثه
مشاركة غير مقروءةبواسطة Mohamed Mehanny » الثلاثاء يونيو 07, 2011 8:10 pm

جزاك الله كل خير
مجهود رائع
ما استحق ان يولـد من عاش لنفسه فقط
صورة العضو الشخصية
مدير الموقع
 
مشاركات: 6824
اشترك في: مايو 2009
مكان: Science Union
الشعبة: كيمياء
مشاركة غير مقروءةبواسطة science_union » الخميس يونيو 09, 2011 11:02 pm

تسلم ايدك يابوحسين على المجهود دا وربنا يوفقك ياباشا
صورة العضو الشخصية
مدير الموقع
 
مشاركات: 4058
اشترك في: ديسمبر 2009
مكان: القاهرة
الشعبة: كيمياء
الفرقة: الرابعة
مشاركة غير مقروءةبواسطة Youssef Elminshawy » السبت يونيو 25, 2011 1:51 pm

جزاك الله خيرا
thank you
صورة العضو الشخصية
عضو جديد
 
مشاركات: 14
اشترك في: مارس 2011
الشعبة: كيمياء خاصه
الفرقة: الثالثه

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


العودة إلى منتدى الفرقة الثالثة

cron